Virusi vya Shamonda vyagunduliwa kwa binadamu Ufaransa kwa mara ya kwanza

Virusi vya Shamonda vyagunduliwa kwa binadamu Ufaransa kwa mara ya kwanzaMwanzoni mwa mwezi huu, mgonjwa mmoja alilazwa hospitalini nchini Ufaransa akiwa na homa kali na udhaifu mkubwa.

Madaktari walipima sampuli zake kwenye maabara, na baadaye wakagundua kwamba mgonjwa huyo alikuwa ameambukizwa virusi vya Shamonda.

Wizara ya Afya ilitangaza kwamba hili ni tukio la kwanza kuripotiwa duniani la virusi hivi kwa binadamu. Hata hivyo, mamlaka zinasisitiza kwamba hakuna hatari kwa afya ya umma kwa sasa, kutokana na taarifa zilizopo.

Wataalamu wanaamini mgonjwa huyo huenda aliumwa na inzi aina ya Culicoides, ambaye hueneza virusi kwa wanyama wengi. Virusi hivi vilianza kugunduliwa Nigeria miaka ya sitini, na dalili kwa ng'ombe ni kuhara, udhaifu na homa.